♥ રંગબેરંગી રૂપાળું ગીધ - કિંગ વલ્ચર ♥

♥ ગીધ કદાવર અને શિકારી પક્ષી છે. અણીદાર વાંકી ચાંચ, તીક્ષ્ણ નજર અને અવકાશમાંથી સીધી જ છલાંગ મારીને જમીન પરથી નાના મોટા જીવોનો શિકાર કરે છે.

♥ સામાન્ય રીતે ગીધ કદરૃપા, ડરામણા અને ભૂખરા રંગના હોય છે પરંતુ મેક્સિકો આર્જેન્ટિના અને દક્ષિણ અમેરિકાના જંગલમાં શિકારી પણ રૃપાળું ગીધ જોવા મળે છે.

♥ કાળા ટપકાવાળું, સફેદ, શરીર, ડોક અને માથા પર પીળા અને કેસરી રંગની છટા તેને રાજા જેવું રૃપ આપે છે. આ ગીધને કિંગ વલ્ચર કહે છે.

♥ કિંગ વલ્ચર ૩૦થી ૩૨ ઇંચ લાંબા હોય છે તેની પાંખો ૧ મીટર ઘેરાવાની વિશાળ હોય છે. તેની પાંખોના પીંછા આગળથી સફેદ અને  પાછળથી કાળા હોય છે. પાંખ ફેલાવીને ઊડે ત્યારે આગળનું શરીર સફેદ અને પાછળનું અડધું કાળું દેખાય છે.

♥ તેની ડોક કેસરી રંગની હોય છે. માથુ કાળું પણ આંખની ફરતે કેસરી કુંડાળું હોય છે તેની કાળી ચાંચની ઉપરના ભાગે પીળા સોનેરી રંગની કલગી હોય છે.

♥ કિંગ વલ્ચર આકાશમાં પાંખો હલાવ્યા વિના કલાકો સુધી હવામાં તરી શકે છે. કિંગ વલ્ચર જમીન પર પથ્થરો ગોઠવીને માળો તૈયાર કરે છે.

♥ દક્ષિણ અમેરિકાની પ્રાચીન સંસ્કૃતિમાં કિંગ વલ્ચરને દેવના દૂત તરીકે સરખાવાયા છે. આકર્ષક અને સુંદર શિકારી પક્ષી હોવાથી વિશ્વભરના ઝૂમાં આ ગીધ આકર્ષણનું કેન્દ્ર બને છે.