♥ સબએટમિક પાર્ટિકલ 'હિગ્સ બોઝોન'નો શોધક - પીટર હિગ્સ

♦ સ્વિટ્ઝર્લેન્ડની સર્ન લેબોરેટરીમાં ૨૦૧૨માં થયેલો એક મહાપ્રયોગ ખૂબજ જાણીતો બન્યો હતો. આ પ્રયોગમાં ઈશ્વરનો કણ શોધવાનો અખતરો થયો હતો. આજે પણ એ પ્રયોગ આગળ વધી રહ્યો છે. આ કણ એટલે અણુ-પરમાણુથી પણ સુક્ષ્મ 'હિગ્સ બોઝોન' કહેવાય છે. બ્રહ્માંડની ઉત્પત્તિ દરમિયાન થયેલા બિગ બેન્ગ વખતે આ કણ પેદા થયો હતો તેમ વિજ્ઞાનીઓ માને છે. તેના અસ્તિત્વની શોધ પિટર હિગ્સ નામના વિજ્ઞાનીએ કરેલી તેને ફિઝિક્સનું નોબેલ ઈનામ એનાયત થયું હતું.

♦ પીટર હિગ્સનો જન્મ ઈંગ્લેન્ડના ન્યુકેસલમાં ઈ.સ. ૧૯૨૯ના મે માસની ૨૯ તારીખે થયો હતો.

♦ તેના પિતા  બીબીસી રેડિયોમાં સાઉન્ડ એન્જિનિયર હતા. બાળપણમાં બિમારી અને બીજા વિશ્વયુધ્ધની અવ્યવસ્થાને કારણે હિગ્સનું પ્રાથમિક ભણતર અડચણભર્યું હતું.

♦ પીટર તેની માતા સાથે બ્રિસ્ટલમાં રહ્યો અને ૧૯૪૬માં ગોથામ ગ્રામર સ્કૂલમાંથી ગ્રેજ્યુએટ થયો.

♦ ૧૯૪૬માં તે લંડન સ્કૂલમાં ગણિતના ઉચ્ચ શિક્ષણ માટે ગયો અને કિંગ્સ કોલેજમાંથી ફિઝિક્સમાં ફર્સ્ટ ક્લાસ સાથે ગ્રેજયુએટ થયો.

♦ ૧૯૫૨માં તેણે ફિઝિક્સમાં માસ્ટરની ડિગ્રી મેળવી. ૧૯૫૪માં તેણે મોલક્યૂલર ફિઝિક્સમાં પીએચડી કરી.

♦ એડિનબર્ગ યુનિવર્સિટીમાં સંશોધક તરીકે જોડાયો. ૧૯૮૦માં એડિનબર્ગની થિયરીટીકલ ફિઝિક્સના પ્રમુખપદે નિમણૂક મળી.

♦ જાપાનના નોબેલ ઈનામ વિજેતા ઓઈકિરો નામ્બુએ તે સમયે સબએટમિક પાર્ટિકલના સંશોધનો કરેલા. તેની પ્રેરણાથી હિગ્સે પણ સંશોધનો કર્યા અને સફળતા મેળવી.

♦ હિગ્સને તેના યોગદાન બદલ નોબલ ઉપરાંત વિશ્વભરમાંથી અનેક સન્માનો મળેલા છે. ૨૦૧૪માં તેને ફ્રિડમ ઓફ ન્યુકેસલનો એવોર્ડ એનાયત થયેલો. હાલમાં તેઓ એડિનબર્ગમાં તેમના પરિવાર સાથે રહે છે.