દરિયાઇ જીવો નરમ સ્નાયુના નાજુક જીવ હોય છે. તેઓ એકબીજાનો શિકાર કરી જીવે છે. આ નાનકડા જીવોમાં ઘણી વિશેષતાઓ હોય છે. સી અર્ચિન એક ઈંચ વ્યાસના ગોળાકાર દડા જેવો જીવ છે. તેના શરીર પર કાંટા હય છે. સી અર્ચિન રંગબેરંગી હોય છે. લાલ, ગુલાબી, લીલા, પીળા એમ અનેક રંગના જોવા મળે. સી અર્ચિન પોતાના કાંટા વડે પથ્થરને પણ તોડી શકે છે. પથ્થરની બખોલમાં કોઇ નાનકડું જીવડું સંતાયું હોય તો સી અર્ચિન પથ્થર તોડીને પણ તેનો શિકાર કરે.
એક ઈંચના કદના સી અર્ચિનને નાનકડું મોં, અને ભૂંગળી જેવી પાંચ ચૂઇ હોય છે. તેના મોમાં સખત ચૂનાના બનેલા દાંત હોય છે. તરતી વખતે તેનું મોં નીચે હોય છે. તે પાણી અને હવા બંનેમાં શ્વાસ લઇ શકે છે. સી અર્ચિનને આંખ હોતી નથી. આખુ શરીર આંખનું કામ કરે છે. સી અર્ચિનને અજવાળું ગમતું નથી.
No comments:
Post a Comment
Note: only a member of this blog may post a comment.