પ્રકૃત્તિમાં અનેક પ્રકારના પક્ષીઓ જોવાં મળે છે. ઘુવડ પણ એમાંનું એક છે જેને દિવસના બદલે રાતના વધારે ચોખ્ખું દેખાય છે. ઘુવડને દિવસે પણ દેખાય છે; પણ એટલું સાફ નથી દેખાતું જેટલું રાતના. એના પગમાં વાંકા નખવાળા ચાર પંજા હોય છે જેનાથી એને શિકાર પકડવામાં વધારે સગવડ રહે છે.
♠ વસ્તુમાંથી આવતો પ્રકાશ આપણી આંખોની અંદર રહેલાં લેન્સ દ્વારા આંખના પડદા પર કેન્દ્રિત થાય છે. આંખના આ પડદાને રેટિના કહેવામાં આવે છે. એનાં પર વસ્તુનું ઊંધું પ્રતિબિંબ પડે છે. જે મગજ દ્વારા સીધું કરાય છે અને વસ્તુ આપણને દેખાય છે. ઘુવડની આંખોમાં ચાર ખૂબીઓ હોય છે, જેને કારણે એને રાત્રે વધારે દેખાય છે. પહેલી ખૂબી તો એ છે કે, એની આંખના લેન્સ અને રેટિનાની ઉપર મોટું પ્રતિબિંબ પડે છે.
♠ બીજી એની આંખમાં સંવેદનકોશોની સંખ્યા ઘણી વધારે હોય છે. એની સંખ્યા દર ચોરસ મિલિમીટરે લગભગ ૧૦,૦૦૦ હોય છે, જયારે આપણી આંખોમાં એની સંખ્યા ૨૦૦૦ દર ચોરસ મિલિમીટર હોય છે. આ રીતે ઘુવડ આપણી આંખો કરતાં ચાર ગણું વધારે જોઈ શકે છે.
♠ ત્રીજી એની આંખમાં એક લાલ રંગનો પદાર્થ હોય છે. જે ખરી રીતે એક પ્રોટિન છે. એના કારણે રાતના પ્રકાશ માટે એની આંખો વધારે સંવેદનશીલ થઈ જાય છે.
♠ ચોથું, એની આંખની કીકીઓ વધારે ફેલાઈ શકે છે. જેનાથી ઓછામાં ઓછો પ્રકાશ પણ એની આંખમાં જઈ શકે છે. આ ચાર ખાસિયતોને કારણે ઘુવડને રાત્રે વધારે દેખાય છે.
No comments:
Post a Comment
Note: only a member of this blog may post a comment.