♥ પાણી ♥

♠ પૃથ્વી પર પાણીના જથ્થાનો ૯૭.૫ ટકા ભાગ સમુદ્રમાં ખારા પાણી સ્વરૃપે છે. પીવાલાયક પાણીનો જથ્થો માત્ર ૨.૫ ટકા છે. તે નદી, તળાવ અને બરફ સ્વરૃપે છે.

♠ પૃથ્વી પર પાણીનો જથ્થો બે અબજ વર્ષથી સમાન રીતે જળવાઈ રહ્યો છે.

♠ જગતના તમામ ધર્મોમાં પાણીને દેવ ગણવામાં આવે છે.

♠ વાતાવરણમાં પાણીનો પુષ્કળ જથ્થો વરાળ સ્વરૃપે રહેલો છે. આ જથ્થો એક સાથે વરસાદ થઈને પડે તો આખી પૃથ્વી એક ઇંચ પાણીથી ભરાઈ જાય.

♠ વિશ્વની હિમનદીઓમાં એટલું પાણી છે કે જો તે બધું વરસાદ બની વરસે તો પૃથ્વી પર ૬૦ વર્ષ વરસાદ ચાલુ રહે.

♠ દરિયામાંથી બાષ્પીભવન થયેલું પાણી વાતાવરણમાં વરાળ સ્વરૃપે ૧૦ દિવસ રહે છે.

♠ પાણી જામીને બરફ બને ત્યારે તેનું કદ વધે છે.

♠ પૃથ્વી પરનું ૭૦ ટકા પાણી ખેતીમાં વપરાય છે.

♠ ખારા પાણીમાં બનેલા બરફમાં મીઠું હોતુ નથી.

♠પાણી એવું પ્રવાહી છે કે જેમાં સૌથી વધુ દ્રવ્યો ઓગળે છે.

♠ પાણીમાં ક્ષારનું પ્રમાણ પીપીટીથી મપાય છે. એક પીપીટી એટલે એક કિલો પાણીમાં ૧ ગ્રામ ક્ષાર.

♠ પાણીમાં જેમ ક્ષાર વધુ તેમ ઉત્કલન ઊંચુ અને ઠારબિંદુ નીચું હોય છે. ખારા પાણીને ઉકળતાય વાર લાગે અને બરફ બનતાય વધુ વાર લાગે.

♠ માણસ ખોરાક વિના મહિનો જીવી શકે પણ પાણી વિના સાત દિવસ પણ નહીં.