♥ ધ્રુવ પ્રદેશનું કદાવર પ્રાણી : એલિફન્ટ સીલ ♥

♦ દક્ષિણ ધ્રુવમાં અંતિ ઠંડા વાતાવરણમાં જમીન ઓછી અને ચારે તરફ બરફ છવાયેલો હોય છે. આવા વાતાવરણમાં જીવતા પ્રાણીઓની રચના પણ અજાયબ હોય છે. દક્ષિણ ધ્રુવના વાર્લ્ડઝ, હર્ડ, મેકકેરી ટાપુઓ પર જોવા મળતી કદાવર સીલ એક વિશિષ્ટ પ્રાણી છે.

♦ હમેશાં પાણીમાં રહેનારા આ પ્રાણીને માછલી પણ કહે છે પરંતુ તે ચાર પગવાળું સસ્તન પ્રાણી છે. હલેસા જેવા પગથી તે પાણીમાં તરી શકે છે અને બરફ  પર ચાલી શકે છે.

♦ ૩૦૦થી માંડી ૩૦૦૦ કિલો વજનના કદાવર સીલને આગળની તરફ હાથીની સૂંઢ જેવું નાક હોવાથી તેને એલિફન્ટ સીલ કહે છે.

♦ એલિફન્ટ સીલની ચામડી જાડી હોય છે તેથી ઠંડી સામે રક્ષણ મળે છે. અતિશય ઠંડા પાણીમાં તે ઊંડે સુધી ડૂબકી મારી બે કલાક રહી શકે છે. એલિફન્ટ સીલ નાની માછલીઓનો શિકાર કરે છે.