આ બ્લોગમાં વર્તમાનપત્રો, મેગેઝિનો, વિકીપીડીયા,GK ની વેબસાઇટો, વગેરે માધ્યમોનો સંદર્ભ તરીકે ઉપયોગ કરવામા આવેલ છે જે માટે સૌનો હ્રદયપૂર્વક આભાર વ્યક્ત કરુ છુ.બ્લોગથી મને લેશમાત્ર આવક નથી.જેની નોંધ લેશો.

Wednesday 30 September 2015

♥ સેટેલાઇટનું અવનવું ♥

» સેટેલાઇટ એટલે વિજ્ઞાનીઓએ બનાવેલો કૃત્રિમ ઉપગ્રહ કે જે પૃથ્વીની પ્રદક્ષિણા કરતો રહીને સંદેશા વ્યવહાર, જાસૂસી, હવામાનના વર્તારા કરવામાં ઉપયોગી થાય છે.

» વિશ્વનો પ્રથમ સેટેલાઇટ ૧૯૫૭ના ઓક્ટોબરમાં રશિયાએ છોડેલો. તેનું નામ સ્પુટનિક-૧ હતું. ત્યારબાદ અમેરિકાએ ૧૯૫૮માં એક્સપ્લોરર-૧ સેટેલાઇટ અવકાશમાં તરતો મૂકેલો.

» ભારતે તેનો પ્રથમ સેટેલાઇટ રોહિણી ડી-૧ ૧૯૮૦ના જુલાઈમાં અવકાશમાં તરતો મૂકેલો. તે અગાઉ ૧૯૭૫માં આર્યભટ્ટ સેટેલાઇટ તરતો મૂકેલો.

» હાલ સુધીમાં લગભગ ૬૬૦૦ સેટેલાઇટ લોન્ચ થયા છે જેમાંથી ૩૬૦૦ જેટલા ભ્રમણ કક્ષામાં પૃથ્વીની પ્રદક્ષિણા કરે છે તેમાંથી ૧૦૦૦ જેટલા હાલમાં કાર્યરત છે.

» અમેરિકાનું સ્પેસ સર્વેલન્સ નેટવર્ક અવકાશમાં ફરતા સેટેલાઇટ અને અન્ય પદાર્થોનું નિરીક્ષણ રાખે છે. તેના હિસાબે પૃથ્વીની આસપાસ ૮૦૦ જેટલા માનવરહિત પદાર્થો ફરી રહ્યા છે.

» ઇન્ટરનેશનલ સ્પેસ સ્ટેશન એ પૃથ્વીની પ્રદક્ષિણા કરી રહેલો સૌથી મોટો સેટેલાઇટ છે.

» પૃથ્વીના વિષુવવૃત્તને સમાંતર રહી પૃથ્વીની ગતિ સાથે તાલ મેળવી ફરતા સેટેલાઇટને જીઓસ્ટેશનરી સેટેલાઇટ કહેવાય છે તે પૃથ્વીના એક જ સ્થળ પર રહે છે.

No comments:

Post a Comment

Note: only a member of this blog may post a comment.