♠ તમિલનાડુ તેના ઊંચા અને ભવ્ય મંદિરો માટે જાણીતું છે. તમિલનાડુના રામેશ્વરમ્ ખાતે આવેલું રામનાથ સ્વામી મંદિર તેની લાંબી કોરિડોર માટે વિશ્વપ્રસિધ્ધ છે. બાર જ્યોતિર્િંલગમાં જેનો સમાવેશ થાય છે તેવા આ મંદિરમાં ભગવાન શિવની પૂજા દર્શન કરવા લાખો યાત્રાળુઓ આવે છે.
♠ રામેશ્વરમના આ મંદિરમાં બે શિવલિંગ છે એક સીતા માતાએ સ્થાપેલું મુખ્ય શિવલિંગ અને બીજું કૈલાસ પર્વતથી હનુમાનજી લાવેલા તે વિશ્વલિંગમ.
♠ દક્ષિણના દરેક મંદિરની જેમ આ મંદિરની ફરતે ઊંચા ટાવરવાળી ચાર દીવાલો છે. મંદિરની ફરતે પાંચ ફૂટ ઊંચા પ્લેટફોર્મ પર ત્રણ પરસાળ છે. પરસાળ વચ્ચે ઊંચા સ્થંભ છે. તેમાંની ત્રીજી પરસાળમાં થઈ મુખ્ય મંદિરમાં જવાય છે. આ પરસાળને ચોક્યમ મંડપમ કહે છે.
♠ કોરિડોરનો બહારનો ભાગ વિશ્વની સૌથી મોટી પરસાળ ગણાય છે. ૬.૯ મીટર ઊંચી, ૪૦૦ ફૂટ પૂર્વ પશ્ચિમ અને ૬૪૦ ફૂટ ઉત્તર દક્ષિણ લાંબી છે.
♠ અંદરની પરસાળ ૨૨૪ ફૂટ પહોળી અને ૩૫૨ ફૂટ લાંબી છે.
♠ પરસાળની કુલ લંબાઈ ૩૮૫ ફૂટ થાય છે.
♠ પરસાળમાં ૩૦ ફૂટ ઊંચા ૧૨૧૨ સ્થંભો છે. દરેક સ્થંભ ઉપર કલાત્મક કોતરણી છે અને છતમાં પણ કલાત્મક ચિત્રો છે.
♠ હાલનું રામનાથ સ્વામી મંદિર ૧૭મી સદીમાં બંધાયેલું હોવાનું મનાય છે.
♠ કેટલાક ઈતિહાસકારોના જણાવ્યા મુજબ મંદિરની પરસાળ ૧૧મી સદીમાં બંધાવેલી છે. હાલમાં મંદિરમાં ૧૩ નાનાં મંદિરો છે.
No comments:
Post a Comment
Note: only a member of this blog may post a comment.