વીજળીના બલ્બ અને ટયૂબલાઈટ લાંબા સમય પછી ઊડી જાય છે. પ્રકાશ આપતા બલ્બમાં ધાતુના વાયરની ફિલામેન્ટ હોય છે. આ પાતળા તારનું ગૂંચળું ખૂબજ ગરમ થતું હોય છે. બલ્બ બંધ થાય ત્યારે તે ઠંડુ થાય છે. પાતળા તારની આ ફિલામેન્ટ લાંબો સમય ગરમ અને ઠંડા થવાની પ્રક્રિયાના કારણે તાર ખળીને ખરી પડે છે અને બલ્બ કામ આપતો નથી. આપણે તેને બલ્બ ઊડી ગયો તેમ કહીએ છીએ.
મોટા સમારંભમાં કે ક્રિકેટના મેદાનમાં ઝળહળતા તીવ્ર પ્રકાશ આપતા હેલોજન લેમ્પની વાત જુદી છે. હેલોજન લેમ્પમાં પણ પાતળા તારની ફિલામેન્ટ જ હોય છે પણ તેની સાથે ટયૂબમાં હેલોજન વાયુ ભરેલો હોય છે. ટંગસ્ટન ધાતુની ફિલામેન્ટ ગમર થઈને વરાળ બને તેની સાથે હેલોજન વાયુ પ્રક્રિયા કરી વાયરને ઠારી પાછી ફિલામેન્ટ ઉપર મોકલી દે છે. એટલે ફિલામેન્ટ તૂટવાને બદલે સંધાઈ જાય છે. આમ હેલોજન લેમ્પની ફિલામેન્ટ કાયમ 'સજીવન' થાય કરે છે અને તે ઊડતા નથી.
No comments:
Post a Comment
Note: only a member of this blog may post a comment.