♥ વિશ્વનું સૌથી મોટું ક્રુઝ ♥

વિશ્વનું સૌથી મોટું ક્રુઝ બનીને તૈયાર થઈ ગયું છે. જેને બનાવવા માટે અધધ.. 770 મિલિયન પાઉન્ડનો ખર્ચ થયો છે. આ ક્રુઝની લંબાઈ 1188 ફૂટ છે, જે અગાઉની સૌથી મોટી ક્રુઝ કરતા માત્ર 1 ફૂટ લાંબી છે. આ ક્રુઝમાં 2747 કેબિન, 16 ડેક તેમજ 5479 લોકોની ક્ષમતા ધરાવે છે.

આ ક્રુઝને બનાવવાની શરૂઆત 2013માં કરવામાં આવી હતી. ગુરુવારનાં રોજ કોસ્ટ ઓફ સેંટ નઝાયર ફ્રાંસથી શરૂ થયેલી ટ્રાયલ રવિવાર સુધી ચાલશે. ત્યાર બાદ બીજી ટ્રાયલ એપ્રિલમાં થશે. આ ક્રુઝ રોયલ કેરેબિયન ઈંટરનેશનલ માટે બનાવવામાં આવ્યું છે, જેની ડિલિવરી 12 મેએ થવાની છે.