♥ હવે વાંદા દ્વારા જાસૂસી !!! ♥

ટેકનોલોજીને કારણે જાતજાતનાં મશીનો મળતા થઇ ગયા છે. જાસૂસી કરવાનું પણ બહુ આસાન થઇ ગયું છે. જો કે, અહીં જેનો ઉલ્લેખ કરવાનો છે એ વાત જાણીને તમને ખરેખર અચરજ થશે. જાસૂસીનાં યંત્રો તો ઘણાં મળે છે. તેની સાઇઝ નાનામાં નાની બનાવવાની હરિફાઇ ચાલે છે. ઘડિયાળ, ચશ્મા કે બોલપેનમાં ફીટ કરાવી શકો એવા કેમેરા વડે તો હવે ભારતમાં પણ લોકો જાસૂસી કરી શકે છે. હવે તમે કલ્પના કરો કે કેટલી હદે નાનામાં નાની સાઇઝનું યંત્ર હોઇ શકે. વાંદા જેવા જીવજંતુના શરીર પર ફીટ કરી શકાય એવડા જાસૂસી યંત્રો નીકળ્યા છે. આવા યંત્રો ખાસ કરીને દેશોના ગુપ્તચર વિભાગો કોઇ વિદેશી એલચી કચેરી કે પ્રધાનની ઓફિસમાં જાસૂસી કરવા માટે ઉપયોગમાં લેતા હોય છે. આ સમાચાર જ્યારે વિશ્વના ખૂણે ખૂણે પ્રસિધ્ધ થશે એ પછી પ્રધાનો અને અધિકારીઓ જ્યાં કોઇ વાંદો ભાગતો દેખાશે એને ધારી ધારીને જોશે કે એના પર કોઇ કેમેરા તો ફીટ કરાયો નથીને. આમ, જીવજંતુઓનો ઉપયોગ પણ જાસૂસ તરીકે થઇ શકતો હોવાથી ગુપ્તચર વિભાગોની ફોજમાં હવે અનોખી રીતનો ઉમેરો થશે.