♥ અરે ના હોય !!!! ♥

→ નોળિયોને પીઠ પર બેસાડી ઉડ્યુ લક્કડખોદ

- લાખો લોકોએ ફોટો કર્યો શેર
- ફોટો થયો વાઈરલ

અમદાવાદ તા. 04 માર્ચ 2015

જીવનમાં ઘણીવાર એવી ઘટનાસામે આવે છે કે તેના ઉપર વિશ્વાસ મુકવો મુશ્કેલ બની જાય છે. તાજેતરમાં જ કંઈક આવો ચોંકાવનારો નજારો લંડનના એક પાર્કમાં જોવા મળ્યો જ્યાં એક લક્કડખોદ પોતાની પીઠ પર નોળિયોને બેસાડી ઉડી રહ્યો હતો. લોકો આ તસવીર સોશિયલ મીડિયા પર મન મુકીને શેર કરી રહ્યાં છે.

ઘટના કંઈક એવી છે કે ફોટોગ્રાફર માર્ટિન-લે-મે લડંનના એક પાર્કમાં ફરી રહ્યા હતા ત્યારે અચાનક આ નજારાને જોયો. પહેલા તો આ નજારો તેમના ગળે ઉતર્યો નહી કે નોળિયો આખરે લક્કડખોદની પીઠ પર શું કરી રહ્યો છે. ધ્યાનપૂર્વક જોતા જાણવા મળ્યું કે નોળિયો આ લક્કડખોદની ડોકને પકડી છે અને પોતાનો જીવ બચાવવા માટે લક્કડખોદ ઉડાન ભરી જેના કારણે નોળિયો પણ તેની ડોક છોડી શક્યો નહી અને સાથે જ ઉડી ગયો.

માર્ટીને આ અદ્દભૂત નજારાને પોતાના કેમેરામાં કેદ કરી લીધો. તેમણે કહ્યું કે આ એક શાનદાર નજારો હતો જેને મે મારા કેમેરામાં કંડારવામાં સફળ રહ્યો. હવામાં ગોતુ ખાધા બાદ લક્કડખોદ જમીન પર પડી ગયું અને પોતાની જાન બચાવવામાં સફળ રહ્યું.