♥ શરીરને હરતું ફરતું રાખતાં મસલ્સ (સ્નાયુ) ♥

👉🏻  માણસ અને પ્રાણીઓના શરીરના બંધારણમાં હાડપિંજર મુખ્ય છે. હાડપિંજર શરીરને ટટ્ટાર બનાવી આકાર આપે છે. શરીરને હાલવા ચાલવા, ઉઠવા બેસવા જેવી ક્રિયાઓ કરવા માટે દરેક હાડકાના છેડા મસલ્સથી જોડાયેલા છે. 

👉🏻  મસલ્સ લાંબા દોરડા જેવા અને સ્થિતિ સ્થાપક હોય છે. અને મજબૂત પણ હોય છે. 

👉🏻  મસલ્સ બે પ્રકારના હોય છે. સ્વૈચ્છિક અને અનૈચ્છિક. આપણી ઇચ્છિત ક્રિયા કરવા માટે ઐચ્છિક સ્નાયુઓ વપરાય છે.

👉🏻  આપણા ચાલવા દોડવાથી માંડીને પેન પકડવા જેવી ક્રિયાઓ પણ સ્નાયુ વડે થાય છે. 

👉🏻  હસવું બોલવું પણ સ્નાયુનું જ કામ છે. સ્નાયુઓ હાડકા ઉપર ચોંટેલા હોય છે અને છેડેથી હાડકાના છેડે જોડાયેલા હોય છે. 

👉🏻  આપણે હાથ ઊંચો કરવો હોય તો કોણી અને ખભા વચ્ચેનો સ્નાયુ ખેંચાઈ તે હાથ ઊંચો કરે છે.

👉🏻  શરીરમાં ૪૦ ટકા વજન સ્નાયુઓથી ટકે છે. શરીરમાં કુલ ૬૦૦ થી વધુ સ્નાયુઓ હોય છે. 

👉🏻  મોટા ભાગના સ્નાયુઓનું આપણે ઇચ્છા મુજબ સંચાલન કરી શકીએ છીએ. 

👉🏻  હૃદય ધબકવું, ફેફસા દ્વારા શ્વાસ લેવો વગેરે કામ સ્નાયુઓ જ કરે છે પરંતુ તે આપણી ઇચ્છા મુજબ કામ કરતાં નથી.

👉🏻  સ્નાયુઓ આપણા અંગોને ખેંચવા કે ઢીલા મૂકવાનું કામ કરે છે. બે સ્નાયુઓની જોડી આ કામ કરે છે. 

👉🏻  સ્નાયુ લાલ રંગના હોય છે. તે કામ કરે ત્યારે ઓક્સિજન અને શક્તિ વપરાય છે.