ઉનાળામાં ગરમી સામે રક્ષણ માટે ઘર અને ઓફિસોમાં પંખા, એરકુલર અને એરકન્ડિશનર જેવા સાધનો જાણીતા છે. પંખા ફરે અને હવા વિંઝાય છે. તેનાથી ગરમીમાં રાહત મળે છે. વધુ સુવિધા માટે એરકુલરનો ઉપયોગ થાય છે. એરકુલર ઠંડી હવા ફેંકતું સાદું સાધન છે.
એરકુલરની ચોરસ પેટીમાં એક તરફ પંખો હોય છે. પેટીના તળિયે પાણી ભરવામાં આવે છે. તેમાં વચ્ચે મુકેલી મોટર દ્વારા પાણી નળીમાં પાણી ઊંચે ચડે છે. નળી પંખા સિવાયની ત્રણ બાજુ સાથે વધુ શાખાથી જોડાયેલી છે. મોટર દ્વારા ચઢેલું પાણી પેટીની ત્રણ બાજુઓ પર લગાડેલી ખસની ટટ્ટી પર પડયા કરે છે.અને ટટ્ટી ભીની રહે છે. પંખો ચારે તરફથી હવા ખેંચીને બહાર ફેંકે છે. ભીની ટટ્ટીમાંથી પસાર થયેલી હવા ઠંડી થઈ રૃમમાં ફેંકાય છે. ખસ એ એક વનસ્પતિના મૂળિયા છે. તે સુગંધીદાર હોય છે. ઘાસ જેવા મૂળને એકઠા કરી ટટ્ટી બનાવાય છે. તેમાંથી પસાર થતી હવાં સુગંધીદાર અને ઠંડી બને છે.
No comments:
Post a Comment
Note: only a member of this blog may post a comment.