♥ અજબ ગજબ કુદરત ♥

♥ પૃથ્વી પર હવાઈ એવો ટાપુ છે કે જ્યાં જ્વાળામુખીના ખડકોમાંથી બનેલી લાલ ધૂળ જોવા મળે છે. હવાઈ ટાપુની જમીન મંગળની સપાટી જેવી લાલ છે.

♥ જ્વાળામુખીમાંથી નીકળેલો લાવા ઠરે ત્યારે કેટલાક છિદ્રાળુ પથ્થરો બને છે. આ પથ્થરોના છિદ્રોમાં હવાના પરપોટા હોવાથી તે પાણીમાં તરે છે.

♥ જમીન પર વીજળી પડે ત્યારે માટીના કણો  પીગળીને કાચ જેવા બની જાય છે,  આ કુદરતી કાચને 'ફલ્ગ રાઈટ'  કહે છે.

♥ દક્ષિણ ધ્રુવમાં વરસાદ થતો નથી એટલે ભૂગોળની વ્યાખ્યા પ્રમાણે તેને રણપ્રદેશ કહેવાય છે. આ રણ પ્રદેશમાં  રેતી નહીં પણ વિશ્વનાં તાજા પાણીનો મોટા ભાગનો જથ્થો બરફરૃપે રહેલો છે.

♥ જમીનના પેટાળમાં ધગધગતા લાવારસનાં સંપર્કમાં આવેલું પાણી ગરમ થઈને જોસભેર બહાર ધસી આવે છે અને ગરમ પાણીના ઝરા બને છે. કેટલાક ઝરા તો ફુવારાની જેમ ઘણી ઊંચાઈ સુધી ઊડે છે.

♥ રણપ્રદેશની રેતીના કણો પવન સાથે ઊડીને એકબીજા સાથે અથડાય ત્યારે લયબદ્ધ સંગીત જેવો અવાજ પેદા થાય છે. રણનું આ સંગીત સાંભળવા જેવું હોય છે.

♥ હવાઈ ટાપુ પરનો કિલાઉ જ્વાળામુખી ૧૯૮૩થી સતત સક્રિય છે. આજે પણ તેમાંથી દર સેકંડે પાંચ ઘનમીટર લાવા બહાર આવે છે.