♥ તાજમહલ ♥

♣ આગ્રામાં યમુના કિનારે આવેલો તાજમહાલ માનવસર્જિત અજાયબી ગણાય છે. તેની સુંદરતા માટે તે વિશ્વપ્રસિદ્ધ છે.

♣ મોગલ બાદશાહ શાહજહાંએ ઈ.સ. ૧૬૩૧ થી ૧૬૫૪ના ગાળામાં તાજમહાલ બંધાવેલો.

♣ તાજમહાલ વિશે કેટલીક અન્ય બાબતો પણ રસપ્રદ છે.તાજમહાલ મોગલ સ્થાપત્યનો ઉત્તમ નમૂનો છે. તેમાં ભારતીય, પર્શિયન અને ટર્કીશ સ્થાપત્યનો સમન્વય છે.

♣ તાજમહાલ બાંધવામાં મુખ્ય શિલ્પીઓ ઈસા મોહમદ, કાઝીમખાન, અમાનત ખાન અને મિર અબ્દુલ હકીમ વગેરે હતા. તાજમહાલ બાંધવા માટે ૨૨૦૦૦ જેટલા મજૂરો, કડિયા, ચિત્રકારો, માળી, શિલ્પી અને નકશીકારો કામે લાગેલા.

♣ તાજમહાલના ગુંજબની ઊંચાઈ ૩૫ મીટર છે. ચારે મિનારા ૪૦ મીટર ઊંચા છે. તેનો ઘેરાવો ૩૦ મીટર છે. તાજમહાલની પરસાળ ૫૫ મીટરની છે.

♣ તાજમહાલના ભોંયરામાં ૧૭ ચેમ્બર હોવાનું મનાય છે.

♣ શાહજહાંએ તેની પત્ની મુમતાઝની યાદમાં આ સફેદ આરસનો તાજમહાલ બંધાવેલો. પોતાની કબર માટે તેને કાળા આરસનો તાજમહાલ બંધાવવાની ઈચ્છા હતી પણ તે પૂરી થઈ શકી નહોતી.