♥ એક એવુ ગામ જ્યાં 43 વર્ષથી એક પણ પોલીસ કેસ થયો નથી ♥

દેશમાં ક્રાઈમ રેટ ચોંકાવનારી ઝડપે વધી રહ્યો છે ત્યારે એક ગામ એવુ પણ છે જ્યાં છેલ્લા 43 વર્ષથી એક પણ પોલીસ કેસ નોંધાયો નથી.

રાજસ્થાનના બાંસવાડા જીલ્લામાં આવેલા આ ગામનુ નામ છે...ખાતેલાસાથ.આખા દેશ માટે આ ગામે એક ઉદાહરણ પ્રસ્તુત કર્યુ છે.છેલ્લા ચાર દાયકાથી આ ગામમાં કોઈ કેસ નોંધાયો નથી.કોઈ કેસ પોલીસ મથક સુધી પણ પહોંચ્યો નથી.

ગામની વસ્તી 500 લોકોની છે.90 જેટલા ઘરો છે.જો કોઈ ઝઘડો થાય તો પણ અંદરો અંદર સમાધાન કરીને વાતનો ઉકેલ લાવી દેવાય છે.આ ગામમાં છેલ્લો કેસ 1972માં નોંધાયો હતો.એ પછી કોઈ વ્યક્તિ પોલીસ મથકના પગથિયા ચઢ્યુ નથી.પોલીસ તંત્ર દ્વારા આ બાબતને ધ્યાનમાં રાખીને ગામ લોકો માટે સન્માન સમારોહ પણ યોજવામાં આવ્યો છે.