♥ ધાતુઓ ♥

♣ ધાતુને અંગ્રેજીમાં ''મેટલ'' કહે છે.''મેટલ'' શબ્દ ગ્રીક ભાષાના ''મેટાલોન'' પરથી બનેલો છે. જેનો અર્થ થાય છે ''જમીનમાંથી બહાર ખેંચી કાઢવું.''

♣ ધાતુઓને બેઝિક મેટલ્સ,ટ્રાંઝિશન મેટલ્સ,આલ્કલી મેટલ્સ,આલ્કલાઇન અર્થ મેટલ્સ અને અક્ટિનાઇડ્સ એમ જુદા જુદા ગૃપમાં વહેંચવામાં આવે છે.

♣ સામાન્ય તાપમાન પર બધી ધાતુઓ ઘન સ્વરૂપમાં જોવા મળે છે.માત્ર પારો જ એવી ધાતુ છે જે સામાન્ય તાપમાને પણ પ્રવાહી સ્વરૂપમાં જોવા મળે છે.

♣ પૃથ્વીના ઉપરના પડમાં સૌથી વધારે મળતી ધાતુ એલ્યુમિનિયમ છે અને મોટા ભાગની ધાતુ પિગાળી શકાય એવી હોય છે.

♣ પૃથ્વીના ઉપરના પડમાં ભલે એલ્યુમિનિયમ વધારે મળતું હોય પરંતુ પૃથ્વીની અંદરથી સૌથી વધારે પ્રમાણમાં લોખંડ મળે છે.

♣ લગભગ ૧૩મી ૧૪મી સદી સુધી લોકોને સોનું,તાંબુ,ચાંદી,સીસું,ટીન,લોખંડ અને પારો એમ આ ૭ ધાતુઓ વિશે જ લોકોને ખબર હતી.

♣ મોટા ભાગની ધાતુઓ વજનદાર હોય છે.જો કે લીથિયમ જેવી ધાતુઓ એટલી હલકી હોય છે કે તે પાણી પર તરી પણ શકે છે.

♣ લીથિયમ,સોડીયમ,પોટેશિયમ અને રુબીડિયમ જેવી આલ્કલી ધાતુઓ એટલી તેજ હોય છે કે તેમને પાણીમાં મુકવામાં આવે તો પણ તેમનામાં વિસ્ફોટ થાય.

♣ ધાતુઓમાં ગરમી અને વીજળી બહુ સારી રીતે પસાર થઇ શકે છે.ધાતુઓ લવચીક હોય છે અને તૂટવાને બદલે મોટે ભાગે વળી જતી હોય છે.

♣ મોટા ભાગની ધાતુઓને હથોડાથી ટીપી ટીપીને તેમાંથી તાર કે પાતળી પટ્ટી પણ બનાવી શકાતી હોય છે.

♣ ઘણી ધાતુઓને અફાળવાથી અથવા કોઇ વસ્તુ સાથે અથડાવવાથી તેમનામાંથી કોઇ ઘંટડી રણકતી હોય એવો અવાજ આવે છે.