♥ હમિંગ બર્ડ કે હેલિકોપ્ટર ? ♥

→ હમિંગ બર્ડ એવું નાનકડું પંખી છે કે જે હેલિકોપ્ટરની જેમ આગળ-પાછળ ઊડી શકે છે અને હવામાં સ્થિર રહી શકે છે. આ કરામત તેની પાંખોની છે તે એક સેકંડમાં ૮૦ વખત પાંખ ફફડાવે છે. અન્ય પક્ષીઓની પાંખો માત્ર ઉપર નીચે જ થઈ શકે પરંતુ હમિંગબર્ડ પોતાની પાંખ ઉપર નીચે ઉપરાંત વર્તુળાકાર પણ ઘૂમાવી શકે છે. હાથા જેવા લાંબા હાડકા વડે તેની પાંખ શરીર સાથે જોડાયેલી હોય છે.

→ આપણા હાથની જેમ ખભાની ઢાંકણીમાં જોડાયેલી સ્વતંત્ર પાંખ તે ચારે તરફ ઘૂમાવી શકે છે. હમિંગ બર્ડના પગ એકદમ ટૂંકા હોય છે. તેની લાંબી અને પાતળી ચાંચ વચ્ચે સ્ટ્રો જેવી પોલી જીભ વડે તે ફૂલમાંથી રસ ચૂસે છે. હમિંગ બર્ડ તેજસ્વી લીલા રંગના હોય છે.

→ તેની ૩૩૦ જેટલી જુદી જુદી જાત જોવા મળે છે. હમિંગ બર્ડ ૨૪ કલાકમાં લગભગ ૨૦૦૦ ફૂલોની મુલાકાત લે છે. ટૂંકમાં તે ઊડયા જ કરે છે. ઝંપીને બેસતું નથી.

→ હમિંગબર્ડને માણસની જેમ ચાર ખાનાવાળું હૃદય હોય છે અને તે મિનિટના ૫૦૦ ધબકારા મારે છે. હમિંગ બર્ડ ખાઉધરું છે તે પોતાના શરીરના વજન કરતાં ત્રણ ગણો ખોરાક દરરોજ ખાય છે.

♥ GK BLOG ♥

www.aashishbaleja.blogspot.com