♥ વનસ્પતિ વિશ્વની ૭ અજાયબી ♥

(૧) કેલિફોર્નિયાના સિકવોયા નેશનલ
પાર્કમાં એક બે હજાર વર્ષ કરતાં ય જુનું
સિક્વોયાનું વૃક્ષ છે. આ વૃક્ષ ૨૭૫ ફૂટ ઊંચું છે.
વિશ્વનું સૌથી કદાવર આ વૃક્ષ થડમાં ૧૦૦
ફૂટનો ઘેરાવો ધરાવે છે.

(૨) અમેરિકાના ઉટાહમાં એક વૃક્ષ એક જ
મૂળમાંથી ફૂટીને ૧૦૦ એકરમાં પથરાયેલું છે.
નજીક નજીક આવેલાં તમામ
વૃક્ષો જમીનમાં એક જ
મૂળમાં જોડાયેલા છે. પાંડી નામનું આ
વૃક્ષ વિશ્વનું સૌથી મોટું વૃક્ષ ગણાય છે.

(૩) મેકિસકોના ટૂલે
ખાતેના સાન્ટા મારિયા ચર્ચમાં આવેલું
મોન્ટેઝુમા સાયપ્રસ વૃક્ષ ૧૧૬ ફૂટ ઊંચું છે. આ
વૃક્ષનું ઘેઘુર વડલા જેવું થડ ૧૧૬ ફૂટની ઊંચાઈ
સુધી ૧૧૯ ફૂટનો ધેરાવો ધરાવે છે. આ વૃક્ષ
૧૪૦૦ વર્ષ પહેલા ચર્ચના પાદરીએ
વાવેલું.

(૪) સાનફ્રાક્સ્કિો નજીક આવેલું
શેન્ડેલિયર ટ્રી રેડવૂડનું વૃક્ષ છે. આ વૃક્ષનું થડ
એટલું કદાવર છે કે જેમાં બખોલ પાડીને કાર
પસાર થઈ શકે તેવો રસ્તો બનાવાયો છે.
આ સ્થળ જાણીતું પિકનિકનું સ્થળ છે.

(૫) બહેરીનના રણ પ્રદેશમાં ઉભેલું એક
લીલુછમ વૃક્ષ ૪૦૦ વર્ષ જૂનું છે.
સેંકડો કિલોમીટરના અફાટ રણમાં માત્ર
આ એક જ વૃક્ષ જોવા મળે છે.
જ્યાં વનસ્પતિનું જીવન શક્ય
નથી ત્યાં એકલું અટુલું ઊભું છે. આ વૃક્ષને
ટ્રી ઓફ લાઈફ કહે છે.

(૬) ઓસ્ટ્રેલિયામાં એક ડાઈનોસોર વૃક્ષ
જોવા જેવું છે. ડાઈનોસરના માત્ર
અશ્મિયો જ મળે છે. વોલોમી પાઈન
નામના વૃક્ષની અજાયબી એ છે કે આજે
જીવિત છે તેવા વૃક્ષના ૨૦ કરોડ વર્ષ
પહેલાંના અશ્મિઓ પણ મળી આવ્યા છે.
એટલે ડાઈનોસોર કાળમાં ય આ વૃક્ષ
પૃથ્વી પર થતું હતું.

(૭) બ્રાઝિલના નાતાલમાં ૧૭૭ વર્ષ જુનું
પિરંગી કેશ્યુ ટ્રી બે એકરમાં ફેલાયેલું છે.
તેની વડવાઈઓ દ્વારા નવી ડાળીઓ
ફૂટીને જંગલની જેમ ફેલાયેલી છે. આ વૃક્ષ
જોવા સેંકડો પ્રવાસીઓ આવે છે.