♥ રાક્ષસ જેવું બિહામણું જીવડું : ટસ્ક્ડ વેટા ♥

♠ માખી, મચ્છર અને કીડી મકોડા જંતુ જેવા દેખાય પરંતુ માઈક્રોસ્કોપ કે બિલોરી કાચમાંથી તેમના માથા જુઓ તો ડરામણાં લાગે. મચ્છરના ગોળાકાર માથા ઉપર ઉપસી આવેલા મોટા ડોળા બિહામણાં લાગે.

♠ પરંતુ જંતુઓની દુનિયામાં સૌથી બિહામણું જીવડું ટસ્કડ વેટા. તે તદ્દન રાક્ષસ જેવું જ દેખાય છે.

♠ ન્યુઝિલેન્ડના દરિયાકિનારાના વિસ્તારમાં ૧૧ જાતના ટસ્ક્ડવેટા જોવા મળે છે. તેને જાયન્ટ વેટા પણ કહે છે.

♠ આ જીવડું તેના લાંબા પગ  અને માથા પરના એન્ટેના સહિત ૪ ઈંચ લાંબા હોય છે. જંતુઓની દુનિયામાં આ સૌથી ભારે જીવડું છે. તેનું વજન ૪૦ થી ૭૦ ગ્રામ સુધીનું હોઈ શકે છે.

♠ જાયન્ટ વેટાનું નામ માઓરી ભાષાના વેટાપુંગા શબ્દ પરથી બન્યું છે. તેનો અર્થ થાય 'કદરૂપા વિશ્વનો દેવ' .

♠ વેટા જાતિના જીવડામાં ટસ્ક્ડ વેટા તો રાક્ષસ જેવું જ દેખાય છે. તેના માથે અણીદાર શિંગડા હોય છે. ટસ્કડ વેટાના કાન તેના ઘૂંટણમાં હોય છે. વેટાને શ્વાસ લેવા માટે ફેફસાં નથી પરંતુ શરીર પરના કવચ દ્વારા જ હવામાંથી ઓક્સિજન મેળવે છે.

♠ ટસ્કડ વેટા સૌથી વજનદાર જીવડું તો છે જ પરંતુ આયુષ્ય પણ સૌથી વધુ ભોગવે છે.